Накануне Дня женщин поздравления принимали ветераны
Напярэдадні Дня жанчын прадстаўнікі шэрагу раённых грамадскіх арганізацый наведалі жанчын-ветэранаў у розных населеных пунктах раёна.
Віншаванні, пажаданні і, канечне ж, падарункі заслужаныя людзі прымалі ад раённага Савета ветэранаў, раённага аб’яднання прафсаюзаў, РК ГА “БРСМ” і раённай арганізацыі ГА “Беларускі Саюз жанчын”. Былі рады гасцям удзельніца Вялікай Айчыннай вайны Кацярына Цімафееўна Лакуцэвіч з Сітцаў, работнік участка прыфрантавой чыгуначнай дарогі “Крулеўшчына” Таццяна Іванаўна Сялянік, якая зараз жыве ў Ліпаўках. У Бягомлі дэлегацыю сустракалі ўдзельніца Вялікай Айчыннай вайны Леаніда Іванаўна Разанава і тылавік Лідзія Васільеўна Юхнавец. У вёсцы Чарніца-2 віншаванні прымала ўдзельніца Вялікай Айчыннай вайны, пра якую не раз пісала наша газета, былая разведчыца партызанскай брыгады імя Леніна Людміла Іванаўна Васюковіч.